കെഎസ്ആർടിസി ബസിൽ കഞ്ചാവ് കടത്തി യുവതികൾ

07/04/2025

James Robert

കൊച്ചി : കെഎസ്ആർടിസി ബസിൽ കഞ്ചാവ് കടത്തി യുവതികൾ പൊലീസ് പിടിയിൽ. 7 കിലോ കഞ്ചാവുമായി ഒഡീഷ സ്വദേശികളായ സ്വർണലത, ഗീതാഞ്ജ‌ലി ബഹ്റ എന്നിവരെയാണ് പെരുമ്പാവൂർ എഎസ്‌പിയുടെ പ്രത്യേക അന്വേഷണ സംഘവും കാലടി പൊലീസും ചേർന്ന് പുലർച്ചെ നാലു മണിയോടെ പിടികൂടിയത്. ഇവർക്കൊപ്പം നാല് വയസ്സുള്ള ആൺകുട്ടിയും ഉണ്ടായിരുന്നു. ഇവർ മുൻപും കഞ്ചാവ് കടത്തിയിട്ടുള്ള രഹസ്യവിവരത്തെ തുടർന്ന് നിരീക്ഷണത്തിലായിരുന്നു പൊലീസ്. ഒഡീഷയിൽ നിന്നും പ്രത്യേകം പൊതിഞ്ഞ് ബാഗിൽ ആക്കിയാണ് കഞ്ചാവ് കൊണ്ടുവന്നത് എസ്‌ഐമാരായ ജോസി ജോൺ, ഉണ്ണി, ഷാജി, എഎസ്ഐ അബ്‌ദുൽ മനാഫ്, എസ്‌സിപിഒമാരയ അഫ്സൽ, വർഗീസ് വേണാട്ട്, ബെന്നി ഐസക്, ആരിഷ അലിയാർ, ഷിജോ പേൾ, എന്നിവരാണ് അന്വേഷണ സംഘത്തിൽ ഉണ്ടായിരുന്നത് പ്രതികളെ കേന്ദ്രീകരിച്ച് കൂടുതൽ അന്വേഷണം നടത്തുമെന്ന് പൊലീസ് പറഞ്ഞു.