എസ്‌എസ്‌എൽഎസി, ഹയർസെക്കൻഡറി മൂല്യനിർണയം ആരംഭിച്ചു

04/04/2025

Jerin P Thomas

കോട്ടയം എസ്എസ്എൽസി, ഹയർസെക്കൻഡറി പരീക്ഷകളുടെ മൂല്യനിർണയം ആരംഭിച്ചു. വിവിധ കേന്ദ്രങ്ങളിലായി ദിവസവും രാവിലെ 9.30 മുതൽ വൈകിട്ട് 4.30വരെയാണ് മൂല്യനിർണയം. എസ്എസ്എൽസി മൂല്യനിർണയം രണ്ടുഘട്ടങ്ങളിലായാണ്. മൂന്നുമുതൽ 11 വരെ ആദ്യഘട്ടവും 21 മുതൽ 26 വരെ രണ്ടാംഘട്ടവും. അഞ്ച് സെൻ്ററുകളിലാണ് മൂല്യനിർണയം. ആർപ്പൂക്കര മെഡിക്കൽ കോളേജ് ഹൈസ്‌കൂളിൽ മലയാളം രണ്ടാംപേപ്പർ, ഫിസിക്സ്, കാരാപ്പുഴ ഗവ. എച്ച്എസ്എസിൽ ഹിന്ദി, സോഷ്യൽ സയൻസ്, പാലാ മഹാത്മാഗാന്ധി എച്ച്എസ്എസിൽ മലയാളം ഒന്നാംപേപ്പർ, ഫിസിക്‌സ്, കടുത്തുരുത്തി തെക്കേനട ജിഎച്ച്എസിൽ ഇംഗ്ലീഷ്, ബയോളജി, കാഞ്ഞിരപ്പള്ളി സെന്റ്റ് ഡൊമിനിക്‌സിൽ മാത്‌സ് മൂല്യനിർണയവുമാണ് നടക്കുന്നത്.