ഗസ്സയില്‍ കരയാക്രമണം

02/04/2025

Jerin P Thomas

ഗസ്സ : ഗസ്സയിൽ ഇസ്‌റാഈൽ സൈന്യം കരയാക്രമണം വ്യാപിപ്പിക്കാൻ പോകുന്നുവെന്ന് ഇസ്റാഈൽ പ്രതിരോധമന്ത്രി കാറ്റ്സ്.ഗസ്സയിലെ കൂടുതൽ പ്രദേശങ്ങൾ പിടിച്ചെടുക്കുകയാണ്. ഗാസ മുനമ്പിലെ ബഫർ സോൺ എന്ന് വിളിക്കപ്പെടുന്ന പ്രദേശത്തോട് പിടിച്ചെടുക്കുന്ന പ്രദേശങ്ങൾ കൂട്ടിച്ചേർക്കുമെന്നാണ് കാറ്റ്സ് തൻ്റെ പ്രസ്‌താവനയിൽ പറയുന്നത്. എന്നാൽ എത്ര ഭൂമിയാണ് പിടിച്ചെടുക്കാൻ തീരുമാനിച്ചിരിക്കുന്നതെന്ന് കാറ്റ്സ് പ്രസ്‌താവനയിൽ വ്യക്തമാക്കിയിട്ടില്ല. ഇസ്റാഈൽ നടത്തുന്ന ആക്രമണത്തിൽ 50,399 ആളുകൾ ഇതുവരെ കൊല്ലപ്പെട്ടതായും 114,583 പേർക്ക് പരുക്കേറ്റതായുമാണ് ഗസ്സയിലെ ആരോഗ്യ മന്ത്രാലയം വ്യക്തമാക്കുന്നത്.