ട്രെയിൻ ടിക്കറ്റില്ല

02/04/2025

Jerin P Thomas

ചെന്നൈ : വിഷുക്കണി നാട്ടിലെത്തി കാണാൻ ആഗ്രഹിക്കുന്ന ആയിരക്കണക്കിനു മലയാളികൾ ട്രെയിൻ ടിക്കറ്റ് ലഭിക്കാതെ പ്രതിസന്ധിയിൽ. ഐ ആർ സി ടി സി വെബ്സൈറ്റിലെ നിലവിലെ കണക്കുകൾ പ്രകാരം ഇരു ഭാഗങ്ങളിലേക്കും 2 വീതം സ്പെഷൽ ട്രെയിൻ അനുവദിച്ചാൽ തന്നെ എല്ലാവർക്കും നാട്ടിലെത്താം.തെക്കൻ കേരളത്തിലേക്കും മലബാറിലേക്കുമുള്ള ട്രെയിനുകളിൽ വിഷുവിനോട് അനുബന്ധിച്ച് ഏറ്റവും തിരക്കുള്ള 11, 12 തീയതികളിൽ 3,563 പേരാണ് സ്ലീപ്പർ അടക്കമുള്ള കോച്ചുകളിൽ വെയ്‌റ്റ് ലിസ്‌റ്റിൽ കാത്തിരിക്കുന്നത്. മലബാറിനെ അപേക്ഷിച്ച് തെക്കൻ കേരളത്തിലേക്കുള്ള ട്രെയിനുകളിലാണു കൂടുതൽ പേർ വെയ്‌റ്റ് ലിസ്‌റ്റിലുള്ളത്.