വെർട്ടിക്കൽ ലിഫ്റ്റ് കടൽപ്പാലം

29/03/2025

Jerin P Thomas

ചെന്നൈ : രാമനവമി ദിനമായ ഏപ്രിൽ 6നു രാജ്യത്തിലെ തന്നെ ആദ്യ വെർട്ടിക്കൽ ലിഫ്റ്റ് കടൽപ്പാലമായ പാമ്പൻ പാലം പ്രധാനമന്ത്രി നാടിനു സമർപ്പിക്കും. ശ്രീലങ്കൻ സന്ദർശനം കഴിഞ്ഞെത്തുന്ന പ്രധാനമന്ത്രി, രാമേശ്വരത്തെ രാമനാഥസ്വാമി ക്ഷേത്രത്തിൽ പൂജകളിൽ പങ്കെടുക്കും. തുടർന്ന് രാമേശ്വരം ആലയം മൈതാനത്ത് ഉച്ചയ്ക്ക് 12.45നാണ് ചടങ്ങ്. ഇതിനൊപ്പം ചെന്നൈയിലെ പുതിയ എസി സബേർബൻ സർവീസ് അടക്കമുള്ള മറ്റു ചില റെയിൽവേ പദ്ധതികളും പ്രധാനമന്ത്രി ഉദ്ഘാടനം ചെയ്യും. പൊതുമേഖലാ സ്ഥഥാപനമായ റെയിൽ വികാസ് നിഗം ലിമിറ്റഡാണ് 531 കോടി രൂപ ചെലവിൽ 2.2 കിലോമീറ്റർ നീളമുള്ള പാലം നിർമിച്ചത്. കപ്പലുകൾ ഉൾപ്പെടെ കടന്നു പോകുന്ന വിധം പാലം മുകളിലേക്ക് 17 മീറ്റർ ഉയർത്താനാകും പഴയ പാമ്പൻ റെയിൽപ്പാലത്തിനേക്കാൾ 3 മീറ്റർ കൂടി ഉയരം കൂട്ടിയാണു പുതിയ പാലം നിർമിച്ചത്. ഉദ്ഘാടനത്തിനു മുന്നോടിയായി പ്രത്യേക ട്രെയിൻ പുതിയ പാലത്തിലൂടെ മണ്ഡപം റെയിൽവേ സ്‌റ്റേഷനിലെത്തിച്ചു.