പത്താംക്ലാസിലേക്കുള്ള പാഠപുസ്‌തക വിതരണത്തിന്‌ തുടക്കമായി

28/03/2025

Jerin

പത്തനംതിട്ട : ജില്ലയിലും പത്താംക്ലാസിലേക്കുള്ള പാഠപുസ്‌തക വിതരണത്തിന് തുടക്കമായി. 11 എ ഇ ഒ മാർക്ക് കീഴിലുള്ള 122 സൊസൈറ്റികളിലേക്ക് പുസ്‌തകം വിതരണം ചെയ്‌തുതുടങ്ങി. ഇവ നിശ്ചിതസമയത്ത് സ്‌കൂളിൽനിന്ന് വിൽപ്പനയാരംഭിക്കും. വാർഷികപരീക്ഷ പൂർത്തിയായി സ്‌കൂളുകൾ അടയ്ക്കുംമുമ്പേതന്നെ മറ്റ് ക്ലാസുകളിലേക്കുള്ള പുസ്‌തകം എത്തിയിരുന്നു. ഇത്തവണയും സ്‌കൂൾ തുറക്കുംമുമ്പ് മുഴുവൻ പുസ്‌തകങ്ങളും വിദ്യാർഥികളിലെത്തിച്ച് ചരിത്രം സൃഷ്ട്ടിച്ചിരിക്കുകയാണ് സർക്കാരും വിദ്യാഭ്യാസവകുപ്പും . ഒന്നുമുതൽ 10 വരെയുള്ള 2025-2026 അധ്യയന വർഷത്തെ ആദ്യഘട്ട വിതരണത്തിന് ഒന്നാം വാല്യം പുസ്‌തകങ്ങളുടെ ഏഴ് ലോഡാണ് തിരുവല്ലയിലെ ജില്ലാ ബുക്ക് ഡിപ്പോയിൽ എത്തിയത്.