നഴ്സിങ് കോളജിലെ റാഗിങ് അതിക്രൂരമെന്ന് കുറ്റപത്രം

28/03/2025

Rakhi

കോട്ടയം : കോട്ടയം നഴ്സിങ് കോളജിൽ നടന്ന റാഗിപ്പ് അതിക്രൂരമെന്ന് കുറ്റപത്രം. പ്രതികളായവർ ആതുര സേവന രംഗത്ത് മാതൃകയാകേണ്ടവരാണെന്നും അവർ നടത്തിയത് കൊടിയ പീഡനമാണെന്നും കുറ്റപത്രത്തിൽ പറയുന്നു. അന്വേഷണ സംഘം കുറ്റപത്രം ഇന്ന് ഏറ്റുമാനൂർ കോടതിയിൽ ഹാജരാക്കും. വേദന കൊണ്ട് വിദ്യാർഥികൾ പുളയുമ്പോൾ പ്രതികൾ അതിൽ ആനന്ദം കണ്ടെത്തിയെന്നും. ഇരകളായവരിൽ നിന്ന് മദ്യപിക്കാനായി പ്രതികൾ നിരന്തരം പണം ആവശ്യപ്പെട്ടിരുന്നു എന്നും കുറ്റപത്രത്തിൽ ആരോപിക്കുന്നു. കോളജിൽ പ്രവേശന സമയത്ത് വിദ്യാർഥികൾ നൽകിയ ആന്റി റാഗിങ്ങുമായി ബന്ധപ്പെട്ട സത്യവാങ്‌മൂലത്തിൻ്റെ ലംഘനമാണ് കൊടിയ പീഡനമെന്നും പ്രതികൾ കഴിഞ്ഞ നവംബർ മാസം മുതൽ റാഗിങ് നടത്തിയെന്നും കുറ്റപത്രത്തിൽ ചൂണ്ടിക്കാട്ടുന്നു