മൂന്നാർ പിറന്നത് നാൽപതിലധികം വരയാടു കുഞ്ഞുങ്ങൾ

01/03/2025

മൂന്നാർ : ഇരവികുളം ദേശീയോദ്യാനത്തിൽ ഈ സീസണിൽ ഇതുവരെ പിറന്നത് നാൽപതിലധികം വരയാടു കുഞ്ഞുങ്ങൾ. ഉദ്യാനത്തിലെ കുമരിക്കല്ലിലാണ് ഇത്തവണ ഏറ്റവുമധികം കുഞ്ഞുങ്ങൾ പിറന്നത്. ആനമുടി, പെട്ടിമുടി, രാജമല, ലക്കം, വരയാട്ടു മൊട്ട, മേസ്തിരികെട്ട് എന്നിവിടങ്ങളിലും കുഞ്ഞുങ്ങളെ കണ്ടെത്തിയിട്ടുണ്ട്. ഇരവികുളം ദേശീയോദ്യാനമുൾപ്പെടെയുള്ള മേഖലകളിൽ കഴിഞ്ഞ വർഷം നടത്തിയ കണക്കെടുപ്പിൽ നടത്തിയ കണക്കെടുപ്പിൽ 827 വരയാടുകളെ കണ്ടെത്തിയിരുന്നു. ഇതിൽ 144 എണ്ണം പുതുതായി പിറന്ന കുഞ്ഞുങ്ങളായിരുന്നു. വരയാടുകളുടെ പ്രജനനകാലമായ ഫെബ്രുവരി ഒന്നു മുതൽ രണ്ടു മാസത്തേക്ക് ഉദ്യാനം അടച്ചു. രാജമലയിൽ സഞ്ചാരികൾക്കു പ്രവേശനവും നിരോധിച്ചു. സഞ്ചാരികൾക്ക് താർ സോണിൽ (വരയാടുകളുടെ വിഹാരകേന്ദ്രം) പ്രവേശിക്കാതെ മറ്റു വിനോദങ്ങൾ ആസ്വദിക്കാൻ വനംവകുപ്പ് സൗകര്യമൊരുക്കിയിട്ടുണ്ട്.