കായികാധ്യാപകൻ മരിച്ച സംഭവത്തിൽ; സുഹൃത്ത് പൊലീസ് നിരീക്ഷണത്തിൽ

28/02/2025

തൃശൂർ : മദ്യലഹരിയിൽ പിടിച്ചുതള്ളിയതിനെതുടർന്നു നിലത്തുവീണ് കായികാധ്യാപകൻ മരിച്ച സംഭവത്തിൽ. പൊലീസ് നിരീക്ഷണത്തിലായ സുഹൃത്ത് ജില്ലാ ആശുപത്രിയിൽ ചികിത്സയിൽ. റീജനൽ തിയറ്ററിനു മുൻപിൽ ബുധൻ രാത്രി 11ന് ഉണ്ടായ തർക്കത്തിൽ പൂങ്കുന്നം ഹരിശ്രീ സ്‌കൂളിലെ അധ്യാപകൻ ചക്കാമുക്ക് സ്വദേശി കെ.അനിൽകുമാർ (50) മരിച്ച സംഭവത്തിൽ സുഹൃത്ത് ചുലിശേരി സ്വദേശിയായ സിനിമാ പ്രവർത്തകൻ രാജ രാജൻ (രാജു-55) ആണ് കസ്‌റ്റഡിയിൽ ഉള്ളത്.ഇയാൾക്കെതിരെ മനഃപൂർവമല്ലാത്ത നരഹത്യയ്ക്ക് കേസെടുത്തു. സുരക്ഷ കണക്കിലെടുത്ത് ചികിത്സ മെഡിക്കൽ കോളജ് ആശുപത്രിയിലേക്ക് മാറ്റാനും ആലോചിക്കുന്നുണ്ട്. ആശുപത്രിയിൽ നിന്ന് ഡിസ്‌ചാർജ് ആകുമ്പോൾ അറസ്‌റ്റ് രേഖപ്പെടുത്തും. തലയിലെ ഞരമ്പ് മുറിഞ്ഞതിനെ തുടർന്നാണ് മരണമെന്നാണ് പോസ്റ്റ്മോർട്ടത്തിലെ പ്രാഥമിക നിഗമനം. വീഴ്ച‌യിലാണോ ഞരമ്പ് മുറിഞ്ഞത് എന്നത് സ്‌ഥിരീകരിക്കേണ്ടതുണ്ട്.