ഇതെല്ലാം ചെയ്തിട്ട് നമ്മള്‍ എങ്ങനെ ജീവിക്കുമെന്ന് ഫര്‍സാന ചോദിച്ചു തൊട്ടുപിന്നാലെ ചുറ്റിക ഉപയോഗിച്ച് ഫര്‍സാനയുടെയും

28/02/2025

തിരുവനന്തപുരം : വെഞ്ഞാറമൂട് കുട്ടക്കൊലക്കേസിൽ പ്രതിയായ അഫാന്റെ മൊഴിയുടെ വിശദാംശങ്ങൾ പുറത്ത്. പെൺസുഹൃത്ത് ഫർസാനയെ കൊന്നത് താൻ ചെയ്ത്‌ കൂട്ടക്കൊല ഏറ്റുപറഞ്ഞതിനു ശേഷം തന്നോട് ഫർസാന ചോദിച്ച ചോദ്യതെ തുടർന്നെന്ന് അഫാൻ പൊലീസിന് മൊഴി നൽകി. 'ഇതെല്ലാം ചെയ്തിട്ട് നമ്മൾ എങ്ങനെ ജീവിക്കും' എന്ന് ഫർസാന ചോദിക്കുകയും തൊട്ടുപിന്നാലെ ചുറ്റിക ഉപയോഗിച്ച് ഫർസാനയുടെയും തലയ്ക്കടിച്ചെന്നും അഫാൻ പറഞ്ഞു. പിതൃസഹോദരൻ ലത്തീഫിന്റെ ഭാര്യ സാജിതയെ കൊല്ലാൻ ആഗ്രഹിച്ചിരുന്നില്ലെന്നും. ലത്തീഫിനെ കൊന്ന വിവരം പുറത്തറിയുമെന്നതിനാലാണ് കൊല്ലേണ്ടിവന്നതെന്നും അഫാൻ പറഞ്ഞു. മാതാവ് ഷെമിയെ നിരന്തരം കുറ്റപ്പെടുത്തിയത് സഹിക്കാൻ കഴിയാത്തതിനാലാണ് അമ്മുമ്മയെ കൊലപ്പെടുത്തിയതെന്ന് അഫാൻ പറഞ്ഞു. പാങ്ങോട്ടെ വീട്ടിലെത്തിയപ്പോൾ അമ്മുമ്മയെ കണ്ടയുടൻ തന്നെ സംസാരിക്കാനൊന്നും നിൽക്കാതെ തലയ്ക്കടിക്കുകയായിരുന്നുവെന്നും അഫാൻ മൊഴി നൽകി. കുടുംബത്തിലെ സാമ്പത്തിക പ്രതിസന്ധിക്കു കാരണം ഷെമിയാണെന്ന് അമ്മുമ്മ സൽമാ ബീവി നിരന്തരം കുറ്റപ്പെടുത്തിയിരുന്നു. മാതാവിനെ സ്‌ഥിരമായി കുറ്റം പറയുന്നത് തനിക്ക് സഹിക്കാൻ കഴിഞ്ഞിരുന്നില്ലെന്നും അഫാൻ പറഞ്ഞു.