ഇനി പുരുഷ ഫാഷനെ കൂടുതൽ സ്റ്റൈലിഷ് ആക്കാം

27/02/2025

രാജ്യാന്തര ഫാഷൻ രംഗത്തെ 2025 AW മെൻസ് വെയർ ഫാഷൻ വീക്കിലും കഴിഞ്ഞയാഴ്‌ച നടന്ന ഇന്ത്യ മെൻസ് ഫാഷൻ വീക്കെൻഡിലും അരങ്ങേറിയത് കണ്ണിന് കുളിരേകും കാഴ്ച്‌ചകൾ! ഫോർമൽ വെയറിലും കാഷ്വൽ വെയറിലും ഒരുപോലെ ഉന്മേഷം സമ്മാനിക്കുന്ന പുതു ഡിസൈനുകളും നിറങ്ങളും ഫാബ്രിക്കും. ഒപ്പം ഫെമിനിൻ ഘടകങ്ങൾ എന്ന ലേബലോടെ മാറ്റിനിർത്തിയ ഡിസൈൻ എലമെൻ്റുകൾക്ക് വമ്പിച്ച സ്വീകാര്യതയും ലക്ഷ്വറി ഫാബ്രിക്കായ വെൽവെറ്റ് പുരുഷന്മാരുടെ ഫോർമൽവെയറിൽ ഇടംപിടിച്ച് തിരിച്ചെത്തിക്കഴിഞ്ഞു. ഇതുവരെ പരിചിതമല്ലാത്ത ജ്യുവൽ ടോണിലും മറ്റു വ്യത്യസ്ത നിറങ്ങളിലും സ്യൂട്ടുകൾ കാണാം. രാജേഷ് പ്രതാപ് സിങ്ങിൻ്റെ പ്ലീറ്റഡ് സ്കേർട്ടും സിദ്ധാർഥ് ടൈറ്റ്ല‌റുടെ ഷീർ ഷർട്ടും ഇനി പുരുഷ ഫാഷനെ കൂടുതൽ സ്‌റ്റൈലിഷ് ആക്കും. പുരുഷൻമാരുടെ ബോട്ടം വെയറിലുമുണ്ട് മാറ്റത്തിൻ്റെ കാറ്റ്. സ്ത്രീകൾ വൈഡ് ലെഗിനു പിന്നാലെ പോയതുപോലെ മെൻസ് വെയറിൽ ഫ്ലെയർ കൂടുന്ന കാഴ്ച്‌ചയാണ് എഫ്ഡിസിഐ (ഫാഷൻ ഡിസൈൻ കൗൺസിൽ ഓഫ് ഇന്ത്യ) നടത്തിയ ഇന്ത്യ മെൻസ് വീക്കെൻഡ് ഫാഷൻഷോയിൽ കണ്ടത്.