വെഞ്ഞാറമൂട് കൂട്ടകൊലപാതകം:അഫാന്റെ അമ്മ ഷമിയുടെ നില ഗുരുതരമെന്ന് ആശുപത്രി അധികൃതർ

25/02/2025

വെഞ്ഞാറമൂട് : ദുരുഹതകൾ ബാക്കിനിർത്തി വെഞ്ഞാറമുട് കുട്ടക്കൊലപാതകം. ചുരുളഴിയാൻ ഉത്തരം കിട്ടേണ്ടത് ഒട്ടേറെ ചോദ്യങ്ങൾക്ക്. കുടുംബാംഗങ്ങളായ 4 പേരടക്കം 5 പേരെയാണു വെഞ്ഞാറമൂട് പേരുമല ആർച്ച് ജംക്ഷൻ സൽമാസിൽ അഫാൻ (23) ക്രൂരമായി കൊന്നത് ഇയാൾ നേരിട്ടു പൊലീസ് സ്റ്റേഷനിലെത്തിയപ്പോഴാണു പുറംലോകം വിവരം അറിഞ്ഞത്. മുന്നിടങ്ങളിലായാണു പ്രതി കൊലപാതകങ്ങൾ നടത്തിയത്. അഫാന്റെ മുത്തശ്ശി സൽമാബീവി (95), സഹോദരൻ അഫാൻ (13), പിതൃസഹോദരൻ അബ്‌ദുൽ ലത്തീഫ് (60), ലത്തീഫിന്റെ ഭാര്യ സജിതാബീവി (55), വെഞ്ഞാറമുട് മുക്കന്നൂർ സ്വദേശി ഫർസാന (22) എന്നിവരാണു കൊല്ലപ്പെട്ടത് തലയ്ക്കടിയേറ്റു ഗുരുതരമായി പരുക്കേറ്റ അമ്മ ഷമിയെ ആശുപതിയിൽ പ്രവേശിപ്പിച്ചു ചുറ്റിക കൊണ്ടാണ് ഇയാൾ ആക്രമണം നടത്തിയതെന്നു പൊലീസ് പറഞ്ഞു.