സാന്റോറിനിയുടെ ഭാവി എന്താകും? ലോകത്തിലെ ഏറ്റവും മനോഹരമായ ദ്വീപിനെ ഉറ്റുനോക്കി സഞ്ചാരികൾ

24/02/2025

വെളുത്ത നിറത്തിലുള്ള ചെറിയ പെട്ടികൾ അടുക്കി വച്ചതു പോലെയുള്ള കെട്ടിടങ്ങളാണ് സാൻ്റോറിനി എന്ന് കേൾക്കുമ്പോൾത്തന്നെ മനസ്സിലേക്കോടിയെത്തുക. ഒപ്പം നീലനിറത്തിലുള്ള താഴികക്കുടങ്ങളും വിദൂരമായ ജലദൃശ്യങ്ങളും കൂടി ചേരുമ്പോൾ സ്വ‌പ്നസമാനമായ അനുഭവമാണ് ഓരോ യാത്രക്കാരനും ഉണ്ടാവുക ഇങ്ങനെ ഒരു പോസ്‌റ്റ്കാർഡ് ചിത്രം പോലെ മനോഹരമായ ഗ്രീക്ക് ദ്വീപാണ് സാൻാറിനി. പ്രതിവർഷം 3.4 ദശലക്ഷം വിനോദസഞ്ചാരികൾ സാൻ്റോറിനി സന്ദർശിക്കുന്നുണ്ടെന്ന് കണക്കാക്കപ്പെടുന്നു. 2025 ജനുവരി 31 മുതൽ 12,000 ത്തിലധികം ഭൂചലനങ്ങൾ രേഖപ്പെടുത്തിയതിനാൽ ശാസ്ത്രജ്ഞരും സർക്കാർ ഉദ്യോഗസ്‌ഥരും ഇപ്പോഴും ഇവിടുത്തെ സ്‌ഥിതിഗതികൾ സൂക്ഷ്‌മമായി നിരീക്ഷിച്ചുകൊണ്ടിരിക്കുകയാണ്. പ്രധാനപ്പെട്ട മറ്റു പല കാര്യങ്ങൾക്കുമൊപ്പം, ഈ സമീപകാല സംഭവങ്ങൾ ടൂറിസം സുരക്ഷയെക്കുറിച്ചുള്ള നിർണായക ചോദ്യങ്ങൾ ഉയർത്തുന്നു ഗ്രീക്ക് അധികൃതർ മാർച്ച് 3 വരെ ദ്വീപിൽ അടിയന്തരാവസ്‌ഥ പ്രഖ്യാപിച്ചിട്ടുണ്ട്.