വധശിക്ഷയ്ക്ക് വിധിക്കപ്പെട്ട ലൂസിയാനയിലെ ആദ്യ തടവുകാരൻ ജയിലിൽ മരിച്ചു

24/02/2025

ലൂസിയാന: മാർച്ച് 17 ന് വധശിക്ഷയ്ക്ക് വിധിക്കപ്പെട്ട ലൂസിയാനയിലെ ആദ്യത്തെ തടവുകാരൻ അസുഖവും സ്വാഭാവിക കാരണങ്ങളും മൂലം മരിച്ചു. അദ്ദേഹത്തിന്റെ അഭിഭാഷകനും സംസ്ഥാന ഉദ്യോഗസ്‌ഥരുമാണ് വിവരം സ്‌ഥരീകരിച്ചത്. വധശിക്ഷയ്ക്ക് വിധിക്കപ്പെട്ട ക്രിസ്‌റ്റഫർ സെപൽവാഡോ (81)ആണ് മരിച്ചത്. 30 വർഷത്തോളമായി അംഗോളയിലെ ലൂസിയാന സ്‌റ്റേറ്റ് പെനിറ്റൻഷ്യറിയിൽ കഴിഞ്ഞിരുന്ന ക്രിസ്‌റ്റഫർ ശനിയാഴ്ച രാത്രി കസ്റ്റഡിയിൽ മരിച്ചുവെന്ന് അഭിഭാഷകൻ അറിയിച്ചു. ലൂസിയാനയിലെ കറക്ഷൻസ് വകുപ്പ് മരണം സ്‌ഥിരീകരിച്ചു. 1992-ൽ തന്റെ 6 വയസ്സുള്ള വളർത്തുമകനെ കൊലപ്പെടുത്തിയ കേസിലാണ് ക്രിസ്റ്റ‌ഫറിന് വധശിക്ഷ വിധിച്ചത്.