വെല്ലുവിളികളെ മനക്കരുത്തുകൊണ്ടു പൊരുതി ജയിച്ച് പി.ഡി.പ്രമോദ് സ്വർണ മെഡൽ നേടി

21/02/2025

ചെറുതോണി : വെല്ലുവിളികളെന്തും അയിക്കോള്ളട്ടെ മനക്കരുത്തുകൊണ്ടു പൊരുതി ജയിച്ച് കായിക പ്രതിഭ പി.ഡി.പ്രമോദ് ബെംഗളൂരുവിൽ നടന്ന ദേശീയ തയ്ക്വാൻഡോ മത്സരത്തിൽ സ്വർണ മെഡൽ നേടി. ചുരുളി ആൽപാറ പള്ളിക്കുന്നേൽ ദാസിന്റെയും ചിന്നമ്മയുടെയും മകനായ പ്രമോദിന് (41) പറയാനുള്ളത് അതിജീവനത്തിന്റെയും പ്രചോദനത്തിന്റെ്റെയും കഥകളാണ്. ജന്മനാ ഇടതു കൈ ഇല്ലാതിരുന്ന പ്രമോദിൻ്റെ വലതു കൈ ശോഷിച്ചു ചുരുങ്ങിയ നിലയിലായിരുന്നു. കാലുകൾ ആയുധമാക്കി ഫുട്ബോളിൽ ഇറങ്ങിയപ്പോൾ നേടിയത് ഒരുപിടി ദേശീയ, രാജ്യാന്തര പുരസ്‌കാരങ്ങൾ. വിധിയെ മറികടന്ന് പ്രമോദ് ദീർഘദൂര ഓട്ട മത്സരത്തിൽ പങ്കെടുത്തപ്പോൾ ഭിന്നശേഷിക്കാരനായ ഏക മാരത്തൺ രാജ്യാന്തര താരമായി മാറി.