ബോട്ട് അടുക്കുന്നതും കാത്ത് പൂച്ചാക്കൽ ബോട്ട് ജെട്ടി

21/02/2025

പൂച്ചാക്കൽ പൂച്ചാക്കൽ ബോട്ട് ജെട്ടിയിൽ ബോട്ട് അടുക്കുന്നതും കാത്ത് പ്രദേശവാസികൾ. ബോട്ട് സർവീസ് വേണമെന്ന പ്രാദേശികമായ ആവശ്യത്തെ തുടർന്ന് പഴയ ബോട്ട് ജെട്ടി 3 വർഷം മുൻപ് ജലസേചന വകുപ്പ് 10 ലക്ഷം രൂപ ചെലവിൽ നവീകരിച്ചതാണ് ഇതിലൂടെ ബോട്ട് സർവീസ് മാത്രം ജലഗതാഗത വകുപ്പ് തുടങ്ങിയിട്ടില്ല. മണൽ നീക്കി ആഴംകൂട്ടൽ, കൽക്കെട്ട് പുനർനിർമിക്കൽ, ബോട്ട് ജെട്ടിയുടെ നവീകരണം തുടങ്ങിയവയാണ് നടത്തിയത് യാത്രാബോട്ട് സർവീസുകളുടെ സ്‌റ്റോപ് ലക്ഷ്യമിട്ടായിരുന്നു പ്രവർത്തനങ്ങൾ പാണാവള്ളി ബോട്ട് സ്‌റ്റേഷനിൽ നിന്നുള്ള ചില ബോട്ടുകളെങ്കിലും പൂച്ചാക്കൽ ജെട്ടി വരെ അടുത്താൽ ഏറെ യാത്രക്കാർക്ക് പ്രയോജനമാകും.