കേരള ബാങ്ക് എംപ്ലോയീസ് ഫെഡറേഷൻ മാർച്ച്

14/02/2025

തിരുവനന്തപുരം : കേരള ബാങ്ക് എംപ്ലോയീസ് ഫെഡറേഷൻ (കെബിഇഎഫ് - ബെഫി) കേരള ബാങ്ക് ഹെഡ് ഓഫീസിലേക്ക് സെക്രട്ടറിയറ്റ് ധർണയും മാർച്ചും എളമരം കരീം സിഐടിയു സംസ്ഥാന ജനറൽ സെക്രട്ടറി ഉദ്ഘാടനം ചെയ്‌തു. കേരള ബാങ്ക് ജീവനക്കാരിൽ അമിതമായ ജോലിഭാരവും ഏകപക്ഷിയമായ തീരുമാനങ്ങളും അടിച്ചേൽപ്പിക്കാൻ ശ്രമിച്ചാൽ നടക്കില്ലെന്ന് അദ്ദേഹം പറഞ്ഞു. ഫെഡറേഷൻ സംസ്ഥാന പ്രസിഡന്റ് കടകംപള്ളി സുരേന്ദ്രൻ അധ്യക്ഷയായി. ബെഫി സംസ്ഥാന സെക്രട്ടറി സനിൽ ബാബു, ഫെഡറേഷൻ ജനറൽ സെക്രട്ടറി കെ ടി അനിൽകുമാർ, കേരള കോഓപ്പറേറ്റീവ് എംപ്ലോയീസ് യൂണിയൻ (സിഐടിയു) സംസ്ഥാന ട്രഷറർ ജയചന്ദ്രൻ, എഫ്എസ്ഇടിഒ ജില്ലാ പ്രസിഡൻ്റ് ശ്രീകുമാർ, സംസ്ഥാന വർക്കിങ് പ്രസിഡൻ്റ് ടി ആർ രമേഷ്, ഓർഗനൈസിങ് സെക്രട്ടറി കെ പി ഷാ എന്നിവർ സംസാരിച്ചു ബാങ്കിലെ തസ്‌തിക നിർണയിച്ച് മുഴുവൻ ഒഴിവുകളിലും നിയമനം നടത്തുക, പ്രൊമോഷൻ ലഭിച്ച പിടിഎസ് ജീവനക്കാരുടെ ശമ്പളം പുതിയ സ്കെയിൽ നിർണയിച്ചു നൽകുക, കുടിശ്ശികയായ ക്ഷാമബത്ത അനുവദിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം.