സിപിഐ എം തൃശൂർ ജില്ലാ സമ്മേളനം

11/02/2025

തൃശൂർ: സിപിഐ എം തൃശൂർ ജില്ലാ സമ്മേളനത്തിൽ 46 അംഗ ജില്ലാ കമ്മിറ്റിയെ തിരഞ്ഞെടുത്തു. കെ വി അബ്‌ദുൾ ഖാദർ പുതിയ ജില്ലാ സെക്രട്ടറി. 46 അംഗ കമ്മിറ്റിയിൽ 10 പേർ പുതുമുഖങ്ങളും. ജില്ലാ സമ്മേളനത്തിൻ്റെ ഭാഗമായുള്ള പൊതുസമ്മേളനം വൈകുന്നേരം അഞ്ച് മണിക്ക് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സംസ്ഥാന സെക്രട്ടറി എം വി ഗോവിന്ദൻ, പൊളിറ്റ് ബ്യൂറോ അംഗങ്ങളായ എം എ ബേബി, എ വിജയരാഘവൻ, കേന്ദ്രകമ്മിറ്റി അംഗങ്ങളായ പി കെ ശ്രീമതി, ഡോ. ടി എം തോമസ് ഐസക്, കെ കെ ശൈലജ, എളമരം കരീം, പി സതീദേവി, സംസ്ഥാന സെക്രട്ടറിയറ്റംഗങ്ങളായ ടി പി രാമകൃഷ്‌ണൻ, പുത്തലത്ത് ദിനേശൻ, എം സ്വരാജ്, ഡോ. പി കെ ബിജു എന്നിവർ പങ്കെടുക്കും.