കരമനയാറ്റിലെ മാലിന്യം നീക്കി ഡിവൈഎഫ്ഐ

10/02/2025

വിളപ്പിൽ : ഡിവൈഎഫ്‌ഐ പേയാട് മേഖലാ കമ്മിറ്റിയുടെ നേതൃത്വത്തിൽ പേയാട് അരുവിപ്പുറം ഭാഗത്ത് കരമനയാറ്റിൽ അടിഞ്ഞുകൂടിയ പ്ലാസ്റ്റിക് ഉൾപ്പെടെയുള്ള മാലിന്യങ്ങൾ നീക്കം ചെയ്‌തു. നവമാധ്യമങ്ങളിലൂടെ ഏറെ വിമർശങ്ങൾക്ക് വഴിയൊരുക്കിയ മാലിന്യ കൂമ്പാരം നീക്കം ചെയ്യാൻ പഞ്ചായത്ത് അധികൃതർക്കും മറ്റു സംഘടനകൾക്കും കഴിയാതെ വന്നപ്പോഴാണ് ഡിവൈഎഫ്ഐ പ്രശ്ന‌ം പരിഹരിച്ചത്. ചീലപ്പറ കുടിവെള്ള പദ്ധതിക്ക് സമീപമാണ് മാലിന്യം അടിഞ്ഞു കൂടിയത്. വിളപ്പിൽ പഞ്ചായത്തിൽ മുഴുവൻ കുടിവെള്ളമെത്തിക്കുന്നത് ചിലപ്പറ കുടിവെള്ള പദ്ധതിയിൽ നിന്നാണ്. ആഴമേറിയ ആറ്റിലിറങ്ങി മാലിന്യ നീക്കം ചെയ്യുക എന്നത് സാഹസികമായ പ്രവൃത്തിയായിരുന്നു.