തൊടുപുഴ സിപിഐ എം ജില്ലാ സമ്മേളനം

06/02/2025

തൊടുപുഴ : സീതാറാം യെച്ചൂരി നഗർ സിപിഐ എം ജില്ലാ സമ്മേളനത്തിൽ ഉയർന്നത് ജില്ലയിലെ പൊതുജനാധിപത്യ പുരോഗമന പ്രസ്ഥാനത്തിന് കരുത്തുപകരുന്ന ക്രിയായത്ത ചർച്ചകൾ. മറ്റൊരു രാഷ്ട്രീയ പ്രസ്ഥാനത്തിനും അവകാശപ്പെടാനില്ലാത്ത അച്ചടക്ക ജനാധിപത്യ ബോധത്തിലും സ്വയം വിമർശനത്തിലും ഊന്നിയ പ്രതിനിധികളുടെ ചർച്ചകൾ പാർടിയുടെ മുന്നോട്ടുള്ള പ്രവർത്തനത്തിന് ഊർജമാകും. രാജ്യത്തെ രാഷ്ട്രീയ സാഹചര്യങ്ങൾ ചൂണ്ടിക്കാണിക്കുന്നതിനൊപ്പം ജില്ലയുടെ നാനാവിധ പ്രശ്നങ്ങളും നിർദേശങ്ങളും ചർച്ചചെയ്‌തു കേരളവിരുദ്ധ നിലപാടിലൂന്നി ഭരണം നടത്തുന്ന കേന്ദ്ര സർക്കാരിനെതിരെ ജനാധിപത്യ പോരാട്ടങ്ങൾ ശക്തമാക്കണമെന്ന പൊതുവികാരം ഉയർന്നു സംസ്ഥാന സർക്കാരിനെതിരെ സാമ്പത്തിക ഉപരോധം തീർക്കുന്ന കേന്ദ്ര നീക്കത്തിനെതിരെ സംഘടിത പോരാട്ടം ഉയർത്തണമെന്ന് അഭിപ്രായമുണ്ടായി. ചൊവ്വ, ബുധൻ ദിവസങ്ങളിലായി 5.24 മണിക്കൂറാണ് ചർച്ച നടന്നത്. സംസ്ഥാന സെക്രട്ടറി എം വി ഗോവിന്ദനും ജില്ലാ സെക്രട്ടറി സി വി വർഗീസും ചർച്ചകൾക്ക് മറുപടി പറഞ്ഞു 15 ഏരിയകളെ പ്രതിനിധീകരിച്ച് ഒമ്പത് വനിതകളടക്കം 40പേർ ചർച്ചയിൽ പങ്കെടുത്തു.