എസ്എഫ്ഐ സമരം വിജയിച്ചു

06/02/2025

കാലടി : വിവിധ ആവശ്യങ്ങൾ ഉന്നയിച്ച് എസ്എഫ്ഐ നേതൃത്വത്തിൽ വിദ്യാർഥികൾ കാലടി സംസ്കൃ‌ത സർവകലാശാലയിൽ നടത്തിയ സമരം വിജയിച്ചു. 27 ദിവസമായി നടത്തിവന്ന സമരം അവസാനിപ്പിച്ചതായി എസ്എഫ്ഐ ഭാരവാഹികൾ അറിയിച്ചു. വിദ്യാർഥികൾ ഉന്നയിച്ച മുഴുവൻ ആവശ്യങ്ങളും ബുധനാഴ്‌ച ചേർന്ന സിൻഡിക്കറ്റ് യോഗം അംഗീകരിച്ചു. സർവകലാശാല ഗവേഷണ ഫെലോഷിപ് വർധിപ്പിക്കുക, നാലാംവർഷത്തേക്കുകൂടി കുടിശ്ശികയില്ലാതെ ലഭ്യമാക്കുക, ഹോസ്റ്റൽ സൗകര്യങ്ങളും മതിയായ ക്ലാസ് മുറികളും ഉറപ്പാക്കുക തുടങ്ങി 10 ആവശ്യങ്ങൾ ഉന്നയിച്ചായിരുന്നു സമരം. സംസ്ഥാന കമ്മിറ്റി അംഗം കെ വി അഭിജിത്, ഹാഫീസ് നൗഷാദ്, ആശിഷ് എസ് ആനന്ദ് എന്നിവർ സംസാരിച്ചു.