ചെങ്കൊടി ഉയർന്നു

06/02/2025

പിണറായി : കൂവപ്പാടിയിൽ സേലം ജയിൽ രക്തസാക്ഷി ദിനാചരണത്തിൻ്റെ എഴുപത്തിയഞ്ചാം വാർഷികാഘോഷത്തിന് തുടക്കം കുറിച്ച് ചെങ്കൊടി ഉയർന്നു.കൊടിമരം തള്ളോടിലെ യു വി നാരായണ മാരാരുടെ സ്മൃതി കുടീരത്തിൽനിന്നും സിപിഐ എം ഏരിയാസെക്രട്ടറി കെ ശശിധരൻ ജാഥാ ലീഡർ സി രാജീവന് കൈമാറി. പതാക ആറാംമൈൽ എ കെ ജി മന്ദിരത്തിൽനിന്ന് സിപിഐ എം ജില്ലാകമ്മിറ്റി അംഗം കെ മനോഹരൻ ജാഥാ ലീഡർ പി എ ബിപിൻ ചാന്ദിന് കൈമാറി. അത്ലറ്റുകളുടെയും ചുവപ്പ് സേനയുടെയും അകമ്പടിയിൽ പൊതുസമ്മേളന നഗരിയായ കൂവ്വപ്പാടിയിൽ എത്തിച്ചു സംഘാടകസമിതി ചെയർമാൻ എം മോഹനൻ പതാക ഉയർത്തി. കെ മനോഹരൻ, ടി ഷബ്‌ന, എം ദാസൻ, സി രവീന്ദ്രൻ, പി രാഘവൻ എന്നിവർ സംസാരിച്ചു. വ്യാഴാഴ്‌ച വൈകിട്ട് ആറിന് കുവപ്പാടി മില്ലേനിയം നഗറിൽ ജില്ലാ സെക്രട്ടറിയറ്റംഗം എം സുരേന്ദ്രനും കിണവക്കൽ മെട്ട കെ പി ആർ നഗറിൽ ജില്ലാ കമ്മിറ്റി അംഗം കെ ധനഞ്ജയനും പ്രഭാഷണം നടത്തും.