സിപിഐ എം മെഗാ തിരുവാതിര

05/02/2025

കുന്നംകുളം : സിപിഐ എം ജില്ലാ സമ്മേളനത്തിൻ്റെ അനുബന്ധ പരിപാടിയായി മെഗാ തിരുവാതിര അരങ്ങേറി. ജില്ലാ സമ്മേളനത്തിൻ്റെ ചെറുവത്തൂർ മൈതാനത്താണ് എട്ടുമുതൽ 83 വയസ്സുവരെയുള്ളവരുടെ പങ്കാളിത്തത്തിൽ തിരുവാതിരകളി നടന്നത്. നൃത്താധ്യാപിക ഉഷ ജയകൃഷ്‌ണൻ്റെ നേതൃത്വത്തിൽ ദിവസങ്ങളോളം വിവിധ ലോക്കൽ കേന്ദ്രങ്ങളിൽ പരിശീലനം സംഘടിപ്പിച്ചിരുന്നു. തിരുവാതിരകളിക്ക് നഗരസഭാ ചെയർപേഴ്‌സൺ സീത രവീന്ദ്രൻ ദീപം തെളിച്ചു. സിപിഐ എം ജില്ലാ സെക്രട്ടറിയറ്റംഗം ടി കെ വാസു, ജില്ലാ കമ്മിറ്റിയംഗങ്ങളായ എം ബാലാജി, എം എൻ സത്യൻ, ഏരിയ സെക്രട്ടറി കെ കൊച്ചനിയൻ, പുഷ്‌പ ജോൺ, പത്മം വേണുഗോപാൽ എന്നിവർ സംസാരിച്ചു.