ആവേശത്തുടക്കം

05/02/2025 07:45am

തൊടുപുഴ : നല്ലൊരു നാളേയ്ക്കായി രണഭൂമികളിൽ സ്വജീവൻ ബലിയർപ്പിച്ച രക്തസാക്ഷികളുടെ അമരസ്‌മരണയിൽ ഇടുക്കിയിൽ തൊടുപുഴയാറിൻ തീരത്ത് സിപിഐ എം ജില്ലാ സമ്മേളനത്തിന് തുടക്കം കുറിച്ചു. 17 വർഷങ്ങൾക്കിപ്പുറം തൊടുപുഴ സമ്മേളനവേദിയായത് ഇടനാടിൻ്റെയും മലനാടിൻ്റെയും പുതിയ പോരാട്ടങ്ങൾക്ക് കരുത്തും ഊർജവും പകർന്നു പതാക ഗാനവും സ്വാഗത ഗാനവും ആവേശമായി നാടിൻ്റെ പൊതുപ്രശ്‌നങ്ങളും ലോക--ദേശീയ--സംസ്ഥാന രാഷ്ട്രീയ സാഹചര്യങ്ങളും സമ്മേളനം ചർച്ചചെയ്ത‌ത്. ഭാവിപരിപാടികൾ ആവിഷ്‌ക്കരിക്കും. ചൊവ്വ രാവിലെ 9.30ന് സീതാറാം യെച്ചൂരി നഗറിൽ(തൊടുപുഴ ലിസ് ഗ്രൗണ്ട്), സ്വാഗതഗാനത്തിൻ്റെ അകമ്പടിയോടെ മുതിർന്ന അംഗം എം എം മണി എംഎൽഎ പതാക ഉയർത്തി രക്തസാക്ഷി മണ്ഡപത്തിൽ പാർടി സെക്രട്ടറി എം വി ഗോവിന്ദനും കേന്ദ്ര--സംസ്ഥാന നേതാക്കളും പുഷ്‌പചക്രം സമർപ്പിച്ചു. തുടർന്ന് പ്രതിനിധികൾ പുഷ്‌പാർച്ചന നടത്തി 358 പ്രതിനിധികളാണ് സമ്മേളന ഗൗരവത്തിൻ്റെ ചൂടുംചൂരും ഉൾക്കൊണ്ട് പങ്കെടുക്കുന്നത്. രാവിലെ 10ന് പ്രതിനിധി സമ്മേളനം സംസ്ഥാന സെക്രട്ടറി എം വി ഗോവിന്ദൻ ഉദ്ഘാടനംചെയ്തു ജില്ലാ സെക്രട്ടറിയറ്റംഗം ആർ തിലകൻ താൽക്കാലിക അധ്യക്ഷനായി വിവിധ സബ് കമ്മിറ്റികളുടെ പാനൽ സമ്മേളനം അംഗീകരിച്ചു ഉദ്ഘാടന സമ്മേളനത്തിൽ എൽഡിഎഫ് ജില്ലാ കൺവീനർ കെ സലിംകുമാർ, നേതാക്കളായ അഡ്വ ജോയ്‌സ് ജോർജ്, കെ കെ ശിവരാമൻ, ജോസ് പാലത്തിനാൽ, ജോർജ് അഗസ്റ്റിൻ, പോൾസൺ മാത്യു ജോണി ചെരിവുപറമ്പിൽ, തൊടുപുഴ സെൻ്റ് മേരീസ് ഓർത്തഡോക്സ‌് പള്ളി വികാരി ഫാ. ബിനോയി ജോൺ, മർച്ചൻ്റ്സ് അസോസിയേഷൻ പ്രസിഡൻറ് രാജു തരണിയിൽ തുടങ്ങിയവർ പങ്കെടുത്തു. ശേഷം ജില്ലാ സെക്രട്ടറി സി വി വർഗീസ് പ്രവർത്തന റിപ്പോർട്ട് അവതരിപ്പിച്ചു. ഗ്രൂപ്പ് ചർച്ചയ്ക്കുശേഷം പൊതുചർച്ച ആരംഭിച്ചു പൊതുചർച്ച ബുധനാഴ്‌ച തുടരും. ശേഷം ജില്ലാ സെക്രട്ടറിയും ഉപരികമ്മിറ്റിയംഗങ്ങളും മറുപടി പറയും വ്യാഴാഴ്‌ച പുതിയ ജില്ലാ കമ്മിറ്റിയെയും സെക്രട്ടറിയെയും സംസ്ഥാന സമ്മേളന പ്രതിനിധികളെയും തെരഞ്ഞെടുക്കും.