കേന്ദ്ര– സംസ്ഥാന ബന്ധങ്ങൾ

04/02/2025 10:45am

കൊല്ലം : ആദ്യവസാനം ജനാധിപത്യ ചർച്ചകളുടെ വേദിയായി 'കേന്ദ്ര--സംസ്ഥാന ബന്ധങ്ങൾ' സിപിഐ എം സംസ്ഥാന സമ്മേളനത്തിനു മുന്നോടിയായി വിഷയത്തിൽ കൊല്ലം മുനിസിപ്പൽ ടൗൺ ഹാളിൽ സംഘടിപ്പിച്ച സെമിനാർ. ഭരണഘടന വിഭാവനംചെയ്യുന്ന ഫെഡറൽ സംവിധാനങ്ങൾ പ്രതിസന്ധി നേരിടുന്ന ഘട്ടത്തിലാണ് സെമിനാർ എന്നത് പ്രസക്തി വർധിപ്പിച്ചു. കേന്ദ്രം കേരളത്തിന് ഏർപ്പെടുത്തുന്ന സാമ്പത്തിക ഉപരോധം ബജറ്റിൽ പോലും പ്രകടമാകുന്ന രീതി ശരിയല്ലെന്നും കക്ഷിരാഷ്ട്രീയ താൽപ്പര്യങ്ങളും എതിർപ്പും കേന്ദ്ര-സംസ്ഥാന ബന്ധങ്ങളെ ബാധിക്കുന്ന പ്രവണത തിരുത്തണമെന്നുമാണ് വിലയിരുത്തൽ. സാമ്പത്തിക വിദഗ്‌ധനും ആസൂത്രണ ബോർഡ് മുൻ ഉപാധ്യക്ഷനുമായ പ്രഭാത് പട്‌നായിക് ഉദ്ഘാടനംചെയ്‌ത്‌ വിഷയാവതരണം നടത്തി. സിപിഐ എം സംസ്ഥാന കമ്മിറ്റിഅംഗം ജെ മേഴ്‌സിക്കുട്ടിഅമ്മ അധ്യക്ഷയായി. സംസ്ഥാന ധനകമീഷൻ ചെയർമാൻ കെ എൻ ഹരിലാൽ മേഡറേറ്ററായി. നിയമസഭ ചീഫ് വിപ്പ് ഡോ. എൻ ജയരാജ്, സിപിഐ സംസ്ഥാന സെക്രട്ടറി ബിനോയ് വിശ്വം, സിപിഐ എം ജില്ലാ സെക്രട്ടറി എസ് സുദേവൻ, കെ വരദരാജൻ, എസ് ജയമോഹൻ, മേയർ പ്രസന്ന ഏണസ്റ്റ്, ഡോ. നിത്യ തുടങ്ങിയവർ സംസാരിച്ചു.