കേരള സർവകലാശാലയിൽ പ്രതിഷേധം

04/02/2025 10:37am

തിരുവനന്തപുരം : കേരള സർവകലാശാലയിലെ തെരഞ്ഞെടുക്കപ്പെട്ട യൂണിയനെ സത്യപ്രതിജ്ഞ ചെയ്യാൻ അനുവദിക്കാത്തതിൽ പ്രതിഷേധിച്ച് എസ്എഫ്‌ഐ പ്രവർത്തകർ വൈസ് ചാൻസലറുടെ ഓഫീസ് ഉപരോധിച്ചു. സർവകലാശാല പാളയം ക്യാമ്പസിൽ നടന്നുവരുന്ന എസ്എഫ്ഐയുടെ അനിശ്ചിതകാല സമരം 11 ദിവസം പിന്നിട്ടിട്ടും വിസിയെ കാണാൻ സാധിച്ചില്ല. ഇതോടെ അദ്ദേഹത്തെ കാണ്മാനില്ലെന്നും അദ്ദേഹത്തിന്റെ മുറിയുടെ മുന്നിലും സർവകലാശാല കവാടത്തിലും വിസിയുടെ പോസ്റ്ററും എസ്എഫ്ഐ പതിപ്പിച്ചു. വിസി മോഹനൻ കുന്നുമ്മേൽ സർസംഘചാലകായി പ്രവർത്തിക്കുന്നെന്ന് എസ്എഫ്ഐ ആരോപിച്ചു. രണ്ടാഴ്ച്‌ചയിലധികമായി വിസി സർവകലാശാലയിലേക്ക് വന്നിട്ടില്ല, പാളയം ക്യാമ്പസിനകത്തെ സമരപ്പന്തലിൽനിന്ന് ജാഥയായെത്തിയാണ് പ്രവർത്തകർ വിസിയുടെ ഓഫീസിന് മുന്നിൽ പ്രതിഷേധിച്ചത്. പ്രവർത്തകരെ പൊലീസ് അറസ്റ്റ് ചെയ്ത് നീക്കി. ജില്ലാ പ്രസിഡൻ്റ് എംഎ നന്ദൻ, സെക്രട്ടറി എസ് കെ ആദർശ്, കേന്ദ്രകമ്മിറ്റിയംഗം അഞ്ജുക്യൂ-ഷ്‌ണ, സംസ്ഥാന കമ്മിറ്റിയംഗങ്ങൾ വിഷ്‌, ശിവപ്രസാദ്, അനന്ദു ആനാവൂർ, ജില്ലാ കമ്മിറ്റിയംഗം എസ് ആനന്ദ്, എ പി ആനന്ദ്, ആതിര കൃഷ്‌ണൻ, അവിനാഷ്, മനേഷ് തുടങ്ങിയവരെയാണ് അറസ്റ്റ് ചെയ്‌തത്. അനിശ്ചിതകാല സമരം തുടരുമെന്നും എസ്എഫ്‌ഐ അറിയിച്ചു.