പാർടിയുടെ സ്വതന്ത്രമായ കരുത്ത് വർധിപ്പിക്കും

03/02/2025 04.00pm

ന്യൂഡൽഹി: പാർടിയുടെ സ്വതന്ത്രമായ കരുത്ത് വർധിപ്പിക്കുന്നതിനുള്ള പ്രചരണ, പ്രക്ഷോഭ പരിപാടികളുടെ തന്ത്രങ്ങൾക്ക് രൂപം നൽകാൻ ഊന്നൽനൽകിക്കൊണ്ട്, സിപിഐ എം 24-ാം പാർടി കോൺഗ്രസിൽ അവതരിപ്പിക്കുന്ന കരട് രാഷ്ട്രീയ പ്രമേയം പ്രസിദ്ധീകരിച്ചു. മോദി സർക്കാരിൻ്റെ ജനവിരുദ്ധ ഭരണത്തിനെതിരെ ആശയ പോരാട്ടം പാർടി ശക്തമായി തുടരും. തെരഞ്ഞെടുപ്പുകളിൽ ബിജെപിക്കെതിരായ വോട്ടുകൾ പരമാവധി വോട്ടുകൾ ഏകോപിപ്പിക്കുന്നതിനുള്ള അടവുനയം സ്വീകരിക്കും. ഇതര മതനിരപേക്ഷ കക്ഷികളുമായുള്ള നിലപാട് ഇതിൻ്റെ അടിസ്ഥാനത്തിലാകും. കോൺഗ്രസുമായി രാഷ്ട്രീയസഖ്യമില്ല, മറിച്ച് സഹകരണമാകാമെന്നും കരട് പ്രമേയം വ്യക്തമാക്കുന്നു.