സിഐടിയു തീരദേശ ഹർത്താൽ 27ന്

03/02/2025 12.30am

കൊച്ചി : മത്സ്യത്തൊഴിലാളി യൂണിയൻ (സിഐടിയു) ജില്ലാ ശിൽപ്പശാല കേന്ദ്രസർക്കാരിൻ്റെ മത്സ്യത്തൊഴിലാളി ദ്രോഹനയങ്ങൾ, കടൽഖനനം, ബ്ലൂ ഇക്കോണമി എന്നിവയ്ക്കെതിരെ പ്രക്ഷോഭം ആരംഭിക്കാനും 27ലെ തീരദേശ ഹർത്താൽ വിജയിപ്പിക്കാനും തീരുമാനിച്ചു. ടി കെ രാമകൃഷ്‌ണൻ സാംസ്‌കാരികകേന്ദ്രത്തിൽ സിഐടിയു അഖിലേന്ത്യ കൗൺസിൽ അംഗം സി എൻ മോഹനൻ ഉദ്ഘാടനം ചെയ്തു. യൂണിയൻ ജില്ലാ പ്രസിഡൻ്റ് ടി കെ ഭാസുരാദേവി അധ്യക്ഷയായി. യൂണിയൻ ജില്ലാ സെക്രട്ടറി യേശുദാസ് പറപ്പിള്ളി, കെ വി മനോജ്, ഇ വി സുധീഷ്, കെ ജെ ആന്റണി, പി ബി ദാളോ, ശ്രീവിദ്യ സുമോദ് എന്നിവർ സംസാരിച്ചു.മത്സ്യ തൊഴിൽമേഖല നേരിടുന്ന പ്രതിസന്ധികൾ, കേന്ദ്രസംസ്ഥാന നയങ്ങൾ, മത്സ്യമേഖലയിലെ ട്രേഡ് യൂണിയൻ പ്രവർത്തനങ്ങൾ, സംഘടനാസംവിധാനങ്ങൾ തുടങ്ങിയ വിഷയങ്ങളിൽ മത്സ്യത്തൊഴിലാളി ഫെഡറേഷൻ (സിഐടിയു) വൈസ് പ്രസിഡന്റ് പി ഐ ഹാരിസ്, സിഐടിയു ജില്ലാ സെക്രട്ടറി പി ആർ മുരളീധരൻ, ജില്ലാ പ്രസിഡൻ്റ് ജോൺ ഫെർണാണ്ടസ് എന്നിവർ ക്ലാസുകൾ നയിച്ചു. ജില്ലാ നേതാക്കളും 39 മത്സ്യവില്ലേജുകളിലെ പ്രതിനിധികളും പങ്കെടുത്തു.