ഇടുക്കി സിപിഐ എം ജില്ലാ സമ്മേളനത്തിന്‌ ഇന്ന് പതാക ഉയരും

03/02/2025 11.10am

ഇടുക്കി : ഇടുക്കി സിപിഐ എം ജില്ലാ സമ്മേളനത്തിന് തൊടുപുഴ ലിസ് ഗ്രൗണ്ടിൽ തിങ്കളാഴ്‌ച പതാക ഉയരും. ചൊവ്വാഴ്‌ച സീതാറാം യെച്ചൂരി നഗറിൽ പ്രതിനിധി സമ്മേളനം സംസ്ഥാന സെക്രട്ടറി എം വി ഗോവിന്ദനും പൊതുസമ്മേളനം വ്യാഴാഴ്‌ച മുഖ്യമന്ത്രി പിണറായി വിജയനും ഉദ്ഘാടനം ചെയ്യും. വിവിധ ജാഥകൾ സമ്മേളനത്തിൻ്റെ വിളംബരഘോഷമുയർത്തി പ്രയാണം തുടങ്ങി. അവകാശപ്പോരാട്ടങ്ങൾക്കും രാഷ്ട്രീയ പ്രതിരോധങ്ങൾക്കുമിടയിൽ പാർടിക്കുവേണ്ടി രക്തസാക്ഷിയായ ധീരരുടെ സ്‌മരണകളിരമ്പുന്ന സ്മൃതികുടീരങ്ങളിൽനിന്നാണ് എല്ലാ ജാഥകളും ആരംഭിച്ചത്. ജാഥകൾ തൊടുപുഴ മങ്ങാട്ടുകവലയിൽ തിങ്കൾ വൈകിട്ട് അഞ്ചിന് സംഗമിക്കും.