കോട്ടയം: കല്യാണത്തിനെത്തിയ കാഞ്ഞിരപ്പള്ളി സ്വദേശിയായ ജോയലിനെയാണ് മുള്ളങ്കുഴി എലിപ്പുലിക്കാട്ട് കടവിൽ വെള്ളത്തിൽ വീണ് കാണാതായത്. പ്രദേശത്തെ വിവാഹത്തിൽ പങ്കെടുക്കാൻ എത്തിയ എലിപ്പുലിക്കാട് കടവിൽ നിന്നും മീറ്ററുകൾ മാറി ഇറഞ്ഞാൽ ഭാഗത്തെ കുരിശിൻ തൊട്ടിയുടെ സമീപത്തായാണ് മീനന്തറയാറ്റിലാണ് ഇയാളെ കാണാതായത്. ജോയലും രണ്ട് സുഹൃത്തുക്കളുമാണ് ഇറഞ്ഞാലിലെ വീട്ടിൽ വിവാഹ ചടങ്ങിൽ പങ്കെടുക്കാൻ എത്തിയത്. തുടർന്ന്, മൂന്നു പേരും രാവിലെ മീനന്തറയാറ്റിൽ കുളിക്കാനിറങ്ങുകയായിരുന്നു. കുളി കഴിഞ്ഞ് തിരികെ കയറിയ ശേഷം ജോയൽ വീണ്ടും ആറ്റിൽ നീന്താനിറങ്ങി. ഇതിനിടെ ഒഴുക്കിൽപ്പെട്ട ജോയലിനെ കാണാതാകുകയായിരുന്നു
അഗ്നിരക്ഷാ സേനാ സംഘവും കോട്ടയം ഈസ്റ്റ് പൊലീസും നാട്ടുകാരും ചേർന്ന് പ്രദേശത്ത് തിരച്ചിൽ ആരംഭിച്ചിട്ടുണ്ട്. വിജയപുരം പഞ്ചായത്തംഗം മിഥുൻ ജി.തോമസിന്റെ നേതൃത്വത്തിലാണ് നാട്ടുകാർ സ്ഥലത്തുള്ളത്.