കപ്പ് ഓഫ് ലൈഫ് പദ്ധതിയുടെ ഭാഗമായി ആർത്തവത്തെക്കുറിച്ച് മനസ് തുറന്ന് സംസാരിച്ച് തേവര സേക്രട്ട് ഹാർട്ട് കോളേജിലെ വിദ്യാർഥികൾ. ആർത്തവ സമയത്തെ അനുഭവങ്ങൾ പെൺകുട്ടികൾ പങ്ക് വച്ചപ്പോൾ, ആർത്തവ വേദന അനുഭവിച്ചറിയാൻ കപ്പ് ഓഫ് ലൈഫ് തയ്യാറാക്കിയിട്ടുള്ള പെയ്ൻ സിമുലേറ്ററിലെ അനുഭവങ്ങൾ പങ്ക് വച്ച് ആൺകുട്ടികളും കളം നിറഞ്ഞു.
ജോസഫ് അന്നംകുട്ടി ജോസഫ് വിദ്യാർത്ഥികളുമായി സംവദിച്ചു. കപ്പ് ഓഫ് ലൈഫിന് സി എസ് ആർ പിന്തുണ നൽകുന്ന മുത്തൂറ്റ് ഫിനാൻസിന്റെ ഡെപ്യൂട്ടി മാനേജർ ജോർജ് എം ജോർജ്, ഐ എം എ കൊച്ചിനെ പ്രതിനിധീകരിച്ച് ഡോ. സ്മിത തുടങ്ങിയവരും കോളേജിൽ എത്തി.