ആലപ്പുഴ : ആലപ്പുഴയിൽ കള്ളനോട്ട് കേസിൽ അറസ്‌റ്റിലായ കൃഷി ഓഫീസറെ സർവീസിൽനിന്ന്‌ സസ്പെൻഡ് ചെയ്‌തു. എടത്വയിലെ കൃഷി ഓഫീസർ എം ജിഷമോളെയാണ്‌ സസ്പെൻഡ് ചെയ്‌തത്‌. കോൺവെന്‍റ് സ്ക്വയറിലെ ഫെഡറൽ ബാങ്ക് ശാഖയില്‍ ഇവരുമായി പരിചയമുള്ള ഒരു വ്യാപാരി കൊണ്ടുവന്ന അഞ്ഞൂറ് രൂപയുടെ ഏഴ് നോട്ടുകള്‍ കണ്ട മാനേജര്‍ക്ക് സംശയം തോന്നി. ജിഷമോളുടെ വീട്ടിലെ ജോലിക്കാരന്‍ വ്യാപാരിക്ക് നല്‍കിയ നോട്ടുകളാണെന്ന് ഇതെന്ന് പൊലീസ് പിന്നീട് കണ്ടെത്തി. തുടര്‍ന്ന് ജിഷയുടെ വീട്‌ റെയ്‌ഡ് നടത്തിയ ശേഷം അറസ്റ്റ് ചെയ്യുകയായിരുന്നു. ആലപ്പുഴ കളരിക്കൽ വാടകയ്‌ക്കു താമസിക്കുകയാണ്‌ ജിഷമോൾ. കേസില്‍ കൂടുതൽ പ്രതികളുണ്ടെന്ന്‌ പൊലീസ് പറഞ്ഞു. പ്രതികൾക്കായും ഉറവിടം കണ്ടെത്താനും അന്വേഷണം ഊർജ്ജിതമാണ്‌.
ആലപ്പുഴയിൽ കള്ളനോട്ട് കേസിൽ അറസ്‌റ്റിലായ കൃഷി ഓഫീസറെ സസ്പെൻഡ് ചെയ്‌തു.
