കൊച്ചി: തൃപ്പൂണിത്തുറ നിയമസഭാ മണ്ഡലത്തിലെ കെ ബാബുവിന്റെ തിരഞ്ഞെടുപ്പുവിജയം ചോദ്യം ചെയ്തുള്ള ഹര്‍ജി ഹൈക്കോടതി തള്ളി. എതിർ സ്ഥാനാർത്ഥിയായിരുന്ന എം സ്വരാജ് നൽകിയ ഹർജിയാണ് കോടതി തള്ളിയത്. ജസ്റ്റിസ് പിജി അജിത് കുമാറിന്റേതാണ് വിധി.
വിധിയിൽ വളരെയേറെ സന്തോഷമുണ്ടെന്ന് കെ ബാബു പ്രതികരിച്ചു. ജനകീയ കോടതി വിധി മാനിക്കാത്ത സിപിഎം, കോടതി വിധിയെങ്കിലും മാനിക്കാൻ തയ്യാറാകണമെന്നും ബാബു പറഞ്ഞു. ലോക്സഭ തിരഞ്ഞെടുപ്പിന് തയ്യാറെടുക്കുന്ന പ്രവർത്തകർക്ക് ഈ വിധി ആവേശമാണ്. തിരഞ്ഞെടുപ്പ് പ്രചരണത്തിനായി അയ്യപ്പന്റെ ചിത്രം വെച്ചിട്ടുള്ള സ്ലിപ്പ് അച്ചടിച്ചിട്ടില്ല. കൃത്രിമമായിട്ടാണ് ഈ തെളിവുകളെല്ലാം കോടതിയിൽ സമർപ്പിച്ചിരിക്കുന്നതെന്നും ബാബു ആരോപിച്ചു.
